Parlamenti i Zvicrës votoi sot me 129 vota marrëveshjen për sigurimet shoqërore me Shqipërinë, e cila u firmos në shkurt të këtij viti në Tiranë.
Ky veprim u përshëndet nga kryeministri Edi Rama i cili në “Facebook” shkroi se ky hap është i shumëpritur nga shqiptarët, që jetojnë dhe veprojnë në Zvicër.
Janë rreth 3 mijë shqiptarë që pritet të përfitojnë nga marrëveshja e sigurimeve shoqërore. Sipas Ramës, këtë gjë i ka premtuar edhe kryeministrja e Italisë, që sipas tij, një marrëveshje e tillë pritet të votohet së shpejti në parlamentin italian.
Postimi i Ramës:
Parlamenti zviceran miratoi me 129 vota pro marrëveshjen për Sigurimet Shoqërore me Shqipërinë, e cila u firmos në Tiranë më 18 shkurt të këtij viti✅Faleminderit Qeverisë Zvicerane, parlamentarëve zviceranë dhe padiskutim ekipeve teknike të përbashkëta, të cilat punuan pa u lodhur për këtë marrëveshje të shumëpritur për shqiptarët që punojnë e kontribuojnë në Zvicrën mike. Kryeministrja Giorgia Meloni më premtoi pardje në Tiranë, se shumë shpejt do të votohet në parlamentin italian edhe marrëveshja e shumëpritur me Italinë.
